У Віцебскай вобласці працягваецца работа па рэалізацыі Рэспублікінскага праекта “Культурная спадчына Беларусі”.

Майстрыхі-вышывальшчыцы Глыбоцкага раёна далучыліся да эстафеты па стварэнню вышытай карты Беларусі. Таццяна Карнеева і Валянціна Логвін працуюць у Глыбоцкім гарадскім Доме рамёстваў ужо шмат гадоў і не ўяўляюць сваё жыццё без творчасці.

Глыбоччына вядома сваімі адметнымі традыцыямі, у тым ліку і шыкоўнымі маляванымі

дыванамі.

“Маляванка” ‑ унікальная беларуская традыцыя з ХХ стагоддзя, мастацтва стварэння якой, дарэчы, у 2016 годзе было ўнесена ў Дзяржаўны спіс гісторыка-культурных каштоўнасцяў Рэспублікі Беларусь. Таму было вырашана, што на карце абавязкова павінна быць вышыта маляванка!

 “Дадзены праект дазваляе паказаць здольнасці майстра, які часцінку сваёй душы ўкладае ў вышыты ім элемент. Выкарыстоўваючы словы глыбачанкі Алены Хайноўскай, пра вышыўку скажу так:

…без вышыўкі тканіна гэта проста палатно,

Вышываем гладдзю – кветкі

У раз складаецца букет!

Пачынаем крыжам – клеткі

Пакідаюць узораў след!

За іголкай нітка ўецца

Каляроваю ракой –

Да шыўка шывок кладзецца

У малюнак толькі твой!” – кажа вышывальшчыца Таццяна Карнеева.

Як расказваюць самі майстрыхі, працуюць яны з вялікім натхненнем, таму што ім даверылі такую адказную і важлівую працу – вышываць карту сваёй Радзімы!

 Таццяна Карнеева