Абласная выстава-конкурс дэкаратыўна-прыкладнога мастацтва ”Віцебскі сувенір“

 8 чэрвеня  2023 года ў 15.00 гадзін  запрашаем на адкрыцце выставы! 

З  8 чэрвеня па 4 ліпеня 2023  года ў Віцебскім абласным метадычным цэнтры народнай творчасці будзе праходзіць абласная выстава-конкурс дэкаратыўна-прыкладнога мастацтва ”Віцебскі сувенір“.

На выставе можна пабачыць вырабы дэкаратыўна-пракладнога мастацтва – сувеніры, якія адлюстроўваюць нацыянальныя традыцыі мясцовага насельніцтва (рэгіёна, вобласці, раёна, горада) і мясцовыя асаблівасці – сувенір-брэнд. Вырабы народных мастацкіх рамёстваў, якія захоўваюць традыцыйны характар і маюць індывідуальны почырк; сувеніры з прыроднага, штучнага матэрыялаў, кампазіцыі і інсталяцыі выкананыя ў розных тэхніках: саломапляценне, лозапляценне, разьба па дрэве, кераміка і ганчарства, вязанне, вышыўка, валянне, ткацтва, роспіс, выцінанка, лапікавае шыццё, скураапрацоўка і інш.