”Жывая нітка традыцый“
22 лістапада ў выставачнай зале Віцебскага абласнога метадычнага цэнтра народнай творчасці прайшло адкрыццё выставы перспектыўных элементаў нематэрыяльнай культурнай спадчыны "Жывая нітка традыцый" і выставы творчай дзейнасці Аршанскага дома рамёстваў у межах арт праекта "Захавальнікі народных раместваў". Сёлета Віцебскі метадычны цэнтр пырняў удзел у праекце "Культурная спадчына Беларусі", ініцыятарам яго стаў Беларускі прафсаюз работнікаў культуры, інфармацыі, спорту і турызму. Ідэя праекта заснавана на стварэнні вышытых фрагментаў-карт абласцей Рэспублікі Беларусь. Вышытая карта краіны ўключае асноўныя сімвалы культурнай спадчыны кожнага рэгіёна кожнай вобласці. Віцебскую вобласць вышывалі 11 майстроў з 10 раёнай. На адкрыцці выстаў прысутнічалі некаторыя з вышывальшчыц. Алена Сабірава, старшыня Віцебскай абласной арганізацыі галіновага прафсаюза выказала майстрам падзяку і ўручыла ўзнагароды.
